பலத்த எதிர்பார்ப்புக்கிடையே வெளியான பாகுபலி-2 திரைப்படம் - ஒரே நாளிலேயே 125 கோடி ரூபாய் வசூல் செய்து சாதனை
Apr 29 2017 5:24PM
எழுத்தின் அளவு:
அ +
அ -
அ
பாகுபலி-2 திரைப்படம் வெளியான நேற்று ஒரே நாளிலேயே 125 கோடி ரூபாய் வசூலானது.
சினிமா ரசிகர்களிடம் அமோக வரவேற்பைப் பெற்ற பாகுபலி-1 திரைப்படத்தின் பிரம்மாண்ட வெற்றியைத் தொடர்ந்து, நேற்று உலகம் முழுவதும் பாகுபலி-2 திரைப்படம் வெளியாகியது.
பாகுபலியை கட்டப்பா ஏன் கொன்றார் என்ற ரகசியம் பொதிந்த மில்லியன் டாலர் கேள்விக்கான விடையை காண்பதற்கான ஆவலுடன், ரசிகர்கள் திரையரங்குகளில் குவிந்தனர். இதற்கான முன்பதிவு சிலநாட்களுக்கு முன்பு தொடங்கியது. அமெரிக்காவில் ஆன்லைன் முன்பதிவில் 19 கோடி ரூபாய் வசூல் செய்து சாதனை படைத்ததை தொடர்ந்து, இந்தியாவில் சுமார் 9 ஆயிரம் திரையரங்குகளில் பாகுபலி-2 வெளியானது. இதனையடுத்து, பாகுபலி-2 வெளியான முதல் நாளிலேயே 125 கோடி ரூபாய் வசூலித்து சாதனை படைத்துள்ளது.