அமெரிக்காவின் 45-வது அதிபராக டொனால்ட் ட்ரம்ப் பதவி ஏற்பதையொட்டி, ஒடிசா மாநிலம் புரி கடற்கரையில், அவரது மணல் சிற்பம் அழகுற உருவாக்கப்பட்டுள்ளது.

ஒடிசா மாநிலத்தை சேர்ந்த சுதர்சன் பட்நாயக், சமூக நிகழ்வுகளை, மணல் சிற்பங்களாக புரி கடற்கரையில் வடிவமைத்து, பார்வையாளர்களை கவர்ந்து வருகிறார். இந்நிலையில், அமெரிக்காவின் 45-வது அதிபராக பதவியேற்கும் டொனால்ட் ட்ரம்ப்பின் மணல் சிற்பத்தை, ஓடிசா மாநிலம், புரி கடற்கரையில் சுதர்சன் பட்நாயக், அழகுற உருவாக்கியுள்ளார். 3 டன் மணல் கொண்டு 4 அடி உயரத்தில் இந்த சிற்பம் வடிவமைக்கப்பட்டுள்ளது. அமெரிக்கா-இந்தியா நட்புறவு வலுப்படும் வகையில், இந்த மணல் சிற்பம் வடிவமைக்கப்பட்டுள்ளதாக தெரிவிக்கப்பட்டுள்ளது.

இதுவரை 50-க்கும் மேற்பட்ட சர்வதேச மணற்சிற்ப போட்டிகளில் கலந்து கொண்டுள்ள சுதர்சன் பட்நாயக் விருதுகளை பெற்றுள்ளார். அவரது திறமையை பாராட்டி, அவருக்கு, 2014-ஆம் ஆண்டு பத்மஸ்ரீ விருதை வழங்கி மத்திய அரசு கவுரவித்தது.