வெளியுறவு அமைச்சர் திருமதி சுஷ்மா ஸ்வராஜ் 2 நாள் பயணமாக இன்று இலங்கை சென்றார். கொழும்புவில் நடைபெறவுள்ள இந்தியா-இலங்கை கூட்டுக்குழு கூட்டத்தில் அவர் கலந்துகொள்கிறார்.

2 நாள் பயணமாக இலங்கை சென்ற வெளியுறவுத்துறை அமைச்சர் திருமதி சுஷ்மா ஸ்வராஜை, கொழும்பு விமான நிலையத்தில் இலங்கை வெளியுறவுத்துறை அமைச்சர் திரு. மங்கள சமரவீரா வரவேற்றார். திருமதி சுஷ்மா ஸ்வராஜுடன் மத்திய வெளியுறவுத்துறைச் செயலாளர் திரு.ஜெயசங்கரும் சென்றுள்ளார். இலங்கையில் அதிபர் சிரிசேனா, பிரதமர் ரணில் விக்ரமசிங்கே, எதிர்கட்சித் தலைவர் திரு. ஆர். சம்பந்தன் ஆகியோரையும் சுஷ்மா சந்தித்து பேசவுள்ளார். ராமேஸ்வரம்-தலைமன்னார் இடையே கப்பல் போக்குவரத்து தொடங்குவது குறித்து திருமதி. சுஷ்மா ஆலோசனை நடத்தவுள்ளார். மேலும், இந்தியா-இலங்கை கூட்டுக் குழு கூட்டத்திலும் அவர் பங்கேற்று உரையாற்றுகிறார். இருநாடுகளுக்கு இடையே வீட்டு வசதி, சுகாதாரம், கல்வி உள்ளிட்ட பல்வேறு துறைகளின் ஒத்துழைப்பு குறித்தும் இருநாடுகளிடையே பேச்சுவார்த்தை நடைபெறவுள்ளது.