இந்தியாவின் பிரதமராக 2 முறை பதவி வகித்தாலும், எதிர்காலத்தில் ஓய்வென்ற பேச்சுக்‍கே இடமில்லை என்றும், நலத்திட்டங்கள் அனைத்து மக்களையும் சென்றடைவதை உறுதி செய்வதே தமது கனவு என்றும் பிரதமர் திரு. மோடி கூறியுள்ளார்.

குஜராத்தின் பருச் பகுதி மக்களிடையே காணொலி வாயிலாக பிரதமர் திரு. நரேந்திர மோடி உரையாற்றினார். தம்மை சந்தித்த எதிர்க்கட்சியை சேர்ந்த தலைவர் ஒருவர், 2 முறை பிரதமராக இருந்துவீட்டீர்கள், இதற்கு மேல் என்ன இருக்‍கிறது எனக்‍ கேட்டதாக தெரிவித்தார். ஆனால் தான் முற்றிலும் மாறுபட்ட படைப்பு என்பது அவருக்கு தெரியவில்லை என்று பிரதமர் திரு.மோடி கூறினார். குஜராத் தம்மை வடிவமைத்ததாகக்‍ குறிப்பிட்ட அவர், ஓய்வு என்ற சிந்தனையே தனக்‍கு இல்லை என்றும், நலத்திட்டங்கள் 100 சதவீத மக்களை சென்றடைவதை உறுதி செய்வதே தமது கனவு என்றும் தெரிவித்தார். முன்பைவிட மேலும் உத்வேகத்துடன் பணியாற்றுவேன் என அந்த எதிர்க்கட்சி தலைவரிடம் கூறியதாகவும் பிரதமர் திரு. மோடி குறிப்பிட்டார்.