பா.ஜ.க.வில் சேர்ந்த ஜோதிராதித்யா சிந்தியா, காங்கிரசுடனேயே இருந்திருந்தால், மத்திய பிரதேச மாநிலத்தின் முதலமைச்சர் ஆகியிருக்கலாம் என திரு. ராகுல் காந்தி தெரிவித்துள்ளார்.

காங்கிரஸ் கட்சியின் இளைஞரணி நிர்வாகிகளுடன், திரு. ராகுல் காந்தி காணொலி வாயிலாக கலந்துரையாடினார். அப்போது பேசிய அவர், காங்கிரசுடன் ஜோதிராதித்யா சந்தியா இருந்திருந்தால், மத்திய பிரதேச மாநிலத்தின் முதலமைச்சர் ஆகியிருக்கலாம் என்றும், ஆனால் தற்போது, பா.ஜ.க.,வில் ஓரங்கட்டப்பட்டுள்ளதாகவும் விமர்சித்தார். நீங்கள் நிச்சயமாக ஒருநாள் முதல‌மைச்சராவீர்கள் என ஜோதிராதித்யா சிந்தியாவிடம் தான் கூறியதாகத் தெரிவித்த திரு ராகுல் காந்தி, அவர் குறுக்கு வழியைத் தேர்ந்‍தெடுத்து விட்டதாகவும் கூறினார். கடந்த ஆண்டு மார்ச் மாதம், காங்கிரசிலிருந்து தனது ஆதரவு எம்.எல்.ஏ.,க்களுடன் விலகி, பா.ஜ.க,.,வில் இணைந்த திரு. ஜோதிராதித்யா சிந்தியா, காங்கிரஸ் அரசைக் கவிழ்த்து, பா.ஜ.க., ஆட்சி அமைய வழிவகுத்தார் என்பது குறிப்பிடத்தக்கது.