வாடகை கார் நிறுவனங்களுடன் இணைந்து, கார்களை ஓட்டும் ஓட்டுநர்களுக்கு, பயணிகளிடம் இருந்து வசூலிக்கும் கட்டணத்தில் 80 சதவீதத்தை வழங்கவேண்டும் என மத்திய அரசு உத்தரவிட்டுள்ளது.

அவசர காலத்திற்கு வாடகை கார்களை பயன்படுத்தும் பயணிகளிடம், அடிப்படை கட்டணத்தைவிட ஒன்றரை மடங்கு கூடுதல் கட்டணத்தை வாடகை கார் நிறுவனங்கள் வசூலிக்கலாம். தேவை குறைவாக உள்ள நேரங்களில் வாடகை கார்களை பயன்படுத்தும் பயணிகளிடம், அடிப்படை கட்டணத்தில் 50 சதவீதம் குறைத்து வசூலிக்‍கலாம். வாடகை கார் சேவைகளுக்கு, குறைந்தபட்ச கட்டணமாக 25 முதல் 30 ரூபாய் நிர்ணயிக்‍கப்பட்டுள்ளது. ஓலா, உபேர் உள்ளிட்ட வாடகை கார் நிறுவனங்களுடன் இணைந்து, கார்களை ஓட்டும் ஓட்டுநர்களுக்கு, பயணிகளிடம் வசூலிக்கும் கட்டணத்தில் 80 சதவீதத்தை வழங்கவேண்டும் எனவும், நிறுவனங்கள், 20 சதவீதத்தை மட்டுமே எடுத்துக்‍ கொள்ள வேண்டும் என்றும் உத்தரவிடப்பட்டுள்ளது. மத்திய அரசின் இந்த முடிவை ஓட்டுநர்கள் வரவேற்றுள்ளனர். பயணிகளிடம் வசூலிக்‍கும் கட்டணத்தில், வாடகை கார் நிறுவனங்கள், தற்போது 25 முதல் 30 சதவீதத்தை எடுத்துக்‍கொள்வது குறிப்பிடத்தக்‍கது.