பெங்களூருவில், போதைப்பொருள் பயன்படுத்தியதாக 'பிக்பாஸ்' போட்டியாளரும், திருநங்கையுமான ஆடம் பாஷா கைது செய்யப்பட்டுள்ளார்.

கர்நாடகாவில் நடிகர், நடிகைகள் போதைப்பொருள் பயன்படுத்திய விவகாரம் குறித்து மத்திய குற்றப்பிரிவு இணை போலீஸ் கமிஷனர் சந்தீப் பட்டீல் தலைமையிலான போலீசார் தீவிரமாக விசாரணை நடத்தி வருகின்றனர். இந்த விவகாரத்தில், கன்னட நடிகைகள் ராகிணி திவேதி, சஞ்சனா கல்ராணி உள்பட 15 பேர் கைது செய்யப்பட்டு உள்ளனர்.

இந்நிலையில், சின்னத்திரை நடிகை அனிகாவிடம், போதைப்பொருள் தடுப்பு பிரிவு போலீசார் நடத்திய விசாரணையில் அனிகா, பெங்களூருவை சேர்ந்த நடன கலைஞரும், திருநங்கையுமான ஆடம் பாஷாவுக்கு போதைப்பொருள் விற்பனை செய்ததும், போதைப்பொருளை ஆடம் பாஷா பயன்படுத்தி வந்ததும் தெரியவந்தது. இதையடுத்து ஆடம் பாஷாவை நேற்று போதைப்பொருள் தடுப்பு பிரிவு போலீசார் கைது செய்தனர். அவரிடம் போலீசார் விசாரணை நடத்தி வருகிறார்கள். திருநங்கையான ஆடம் பாஷா கடந்த ஆண்டு நடந்த கன்னட 'பிக்பாஸ்' நிகழ்ச்சியில் போட்டியாளராக கலந்து கொண்டார் என்பது குறிப்பிடத்தக்கது.