பாபர் மசூதி இடிப்பு வழக்கில் இன்று தீர்ப்பையொட்டி பா.ஜ.க. மூத்த தலைவர்கள் அத்வானி, முரளி மனோகர் ஜோஷி ஆகியோர் ஆஜராக தேவையில்லை - வயது மூப்பு காரணமாக நீதிமன்றம் விலக்கு
Sep 30 2020 11:01AM
எழுத்தின் அளவு:
அ +
அ -
அ
பாபர் மசூதி இடிப்பு வழக்கில் இன்று தீர்ப்பு வழங்கப்படும் நிலையில் குற்றம் சாட்டப்பட்டுள்ள பா.ஜ.க. மூத்த தலைவர்கள் திரு. அத்வானி, திரு. முரளி மனோகர் ஜோஷி ஆகியோர் வயது முதிர்வு காரணமாக நீதிமன்றத்தில் நேரில் ஆஜராவதில் இருந்து விலக்கு அளிக்கப்பட்டுள்ளது.
பாபர் மசூதி இடிப்பு வழக்கில் லக்னோ சிபிஐ சிறப்பு நீதிமன்றம் இன்று இறுதி தீர்ப்பு வழங்குகிறது. வழக்கில் குற்றம்சாட்டப்பட்டுள்ள அனைவரும் நீதிமன்றத்தில் நேரில் ஆஜராகும்படி உத்தரவிடப்பட்டுள்ளது. இதனையொட்டி, உத்தரப்பிரதேசத்தில் பலத்த பாதுகாப்பு ஏற்பாடுகள் செய்யப்பட்டுள்ளன. இந்நிலையில், வயது முதிர்வு காரணமாக பா.ஜ.க. மூத்த தலைவர்கள் திரு. அத்வானி, திரு. முரளி மனோகர் ஜோஷி ஆகியோர் நீதிமன்றத்தில் நேரில் ஆஜராவதில் இருந்து விலக்கு அளிக்கப்பட்டுள்ளது. செல்வி உமாபாரதி, திரு. கல்யாண் சிங் ஆகியோர் உடல்நலக்குறைவால் பாதிக்கப்பட்டிருப்பதால் காணொலி வாயிலாக ஆஜராகும்படி உத்தரவிடப்பட்டுள்ளது.