2019-20-ம் நிதியாண்டில், நாட்டின் ஒட்டுமொத்த உள்நாட்டு உற்பத்தி, 4 புள்ளி 2 சதவீதமாக வீழ்ச்சி - பாரத ஸ்டேட் வங்கியின் ஆய்வறிக்கையில் தகவல்
May 26 2020 6:01PM
எழுத்தின் அளவு:
அ +
அ -
அ
2019-20-ம் நிதியாண்டில், நாட்டின் ஒட்டுமொத்த உள்நாட்டு உற்பத்தி, 4 புள்ளி 2 சதவீதமாக குறைந்துள்ளதாக, ஸ்டேட் பேங்க் ஆஃப் இந்தியாவின் ஆய்வறிக்கை தெரிவித்துள்ளது.
2019-20 நிதியாண்டின் கடைசி காலாண்டுக்கான உள்நாட்டு உற்பத்தி விவரங்களை, வரும் 29-ம் தேதி, தேசிய புள்ளி விவரங்களுக்கான ஆணையம் அறிவிக்கவுள்ளது. கடந்த நிதியாண்டின் 3-வது காலாண்டில், நாட்டின் ஜி.டி.பி., கடந்த 7 ஆண்டுகளில் இல்லாத அளவுக்கு, 4.7 சதவீதமாக குறைந்த நிலையில், கடைசி காலாண்டின் விகிதம் குறித்து, எஸ்.பி.ஐ. ஆய்வறிக்கை வெளியிட்டுள்ளது. ஊரடங்கு அறிவிக்கப்பட்டதால், மார்ச் மாதத்தின் கடைசி 7 நாட்களில், 1 புள்ளி 4 லட்சம் கோடி ரூபாய் இழப்பு ஏற்பட்டுள்ளதாகவும், இதன்படி, கடைசி காலாண்டின் உள்நாட்டு உற்பத்தி, 1.2-சதவீதமாக இருக்குமெனவும் தெரிவிக்கப்பட்டுள்ளது.
2019-20-ம் நிதியாண்டுக்கான மொத்த உள்நாட்டு உற்பத்தி, 4.2 சதவீதமாக இருக்குமென, இந்த அறிக்கையில் தெரிவிக்கப்பட்டுள்ளது.
2020-21-ம் நிதியாண்டுக்கான உள்நாட்டு உற்பத்தி, பூஜ்யத்திற்கும் கீழ் குறைந்து மைனஸ் 6 புள்ளி 8-ஆக சரியும் எனவும் கணக்கிடப்பட்டுள்ளது.
நாட்டின் மொத்த உள்நாட்டு உற்பத்தியின் 75 சதவீதத்தை கொண்டுள்ள 10 மாநிலங்களில், மகாராஷ்டிரா, தமிழ்நாடு ஆகிய மாநிலங்கள், கொரோனாவால் கடுமையாக பாதிக்கப்பட்டுள்ளன. மொத்த இழப்பில், மகாராஷ்டிரா 15 புள்ளி 6 சதவீதத்தையும், தமிழ்நாடு 9 புள்ளி 4 சதவீதத்தையும் கொண்டுள்ளது.
மேலும், உம்பன் புயல் பாதிப்பு, புலம் பெயர்ந்த தொழிலாளர்களின் நிலையால் இந்த அறிக்கையில், ஒரு சில மாற்றங்கள் ஏற்படக்கூடும் எனவும் தெரிவிக்கப்பட்டுள்ளது.