ஊரடங்கு பற்றி பிரதமர் நரேந்திர மோதி மாநில முதலமைச்சர்களைக் கேட்கவில்லை என்று ஜார்க்கண்ட் முதலமைச்சர் திரு. ஹேமந்த் சோரன் தெரிவித்துள்ளார்.

ஜார்க்கண்ட் மாநிலத்தில், கொரோனா வைரசால் நான்கு பேர் பாதிக்கப்பட்டுள்ளனர். இந்நிலையில், செய்தியாளர்களிடம் பேசிய அம்மாநில முதலமைச்சர் திரு. ஹேமந்த் சோரன், கொரோனாவை கட்டுப்படுத்த ஊரடங்கை அறிவித்த பிரதமர் நரேந்திர மோதி, இது குறித்து எந்த மாநில முதலமைச்சரையும் கேட்கவில்லை என்றும், தற்போது ஊரடங்கு முடியும் நேரத்தில், ஒவ்வொரு மாநில முதலமைச்சரையும் கருத்துக் கேட்கிறார் என்றும் தெரிவித்தார்.

ஊரடங்கு தளர்த்தப்பட்டால் வெளி மாநிலங்களில் உள்ளவர்கள் திரும்பி வந்து பாதிப்பு அதிகரிக்கக்கூடும் என்றுக் குறிப்பிட்ட அவர், தற்போதைய நிலையில் கொரோனா பரவுதல் குறித்த விழிப்புணர்வை மக்களிடையே உண்டாக்குவது அவசியம் என்றும், ஜார்க்கண்டில் அதிகளவில் மக்கள் வெளியே வருவதில்லை என்பதால், தற்போ‌து பாதிப்பு அதிகரிக்காது என்றும் முதலமைச்சர் திரு. ஹேமந்த் சோரன் குறிப்பிட்டார்