உலக அளவில் குழந்தைகள் வாழத் தகுதியான நாடுகள் பட்டியலில் இந்தியாவுக்கு 131-வது இடம்
Feb 21 2020 2:23PM
எழுத்தின் அளவு:
அ +
அ -
அ
உலக அளவில், குழந்தைகள் வாழத் தகுதியான நாடுகள் பட்டியலில் இந்தியா 131-வது இடத்திற்கு தள்ளப்பட்டுள்ளது.
உலக சுகாதார நிறுவனம், யுனிசெஃப், லான்செட் மருத்துவ இதழ் ஆகியவை இணைந்து குழந்தைகள் வாழத் தகுதியான நாடுகளின் பட்டியலைத் தயார் செய்துள்ளன. ஒவ்வொரு நாட்டிலும் வெளியிடப்படும் கரியமில வாயுவின் அளவை அடிப்படையாகக் கொண்டு ஒரு பட்டியலும், குழந்தைகளின் சுகாதாரத்தை அடிப்படையாகக் கொண்டு மற்றொரு பட்டியலும் தயாரிக்கப்பட்டுள்ளன. அதன்படி, நாடுகள் வெளியிடும் கரியமில வாயு அடிப்படையிலான பட்டியலில் இந்தியா 77-ஆவது இடத்தைப் பெற்றுள்ளது. குழந்தைகளுக்கான சுகாதாரத்தை அடிப்படையாகக் கொண்டு தயாரிக்கப்பட்ட பட்டியலில் இந்தியா 131-ஆவது இடத்தைப் பெற்றுள்ளது. மொத்தம் 180 நாடுகளில் இந்தக் கணக்கெடுப்பு மேற்கொள்ளப்பட்டது குறிப்பிடத்தக்கது.