மூன்றாயிரம் பேரை பலிவாங்கிய போபால் விஷவாயு கசிவு வழக்கு - 8 ஆயிரம் கோடி ரூபாய் இழப்பீடு கேட்டு, மத்திய அரசு தாக்கல் செய்த மனு உச்ச நீதிமன்றத்தில் இன்று விசாரணை
Jan 28 2020 12:36PM
எழுத்தின் அளவு:
அ +
அ -
அ
மூன்றாயிரம் பேரை பலிவாங்கிய போபால் விஷவாயு கசிவால் பாதிக்கப்பட்டவர்களுக்கு, 7 ஆயிரத்து 844 கோடி இழப்பீடு கேட்டு, மத்திய அரசு தாக்கல் செய்த மனு இன்று உச்ச நீதிமன்றத்தில் விசாரணைக்கு வருகிறது.
மத்திய பிரதேசத்தின் போபாலில், அமெரிக்காவை சேர்ந்த யூனியன் கார்பைட் நிறுவன தொழிற்சலையில், 1984ல் ஏற்பட்ட விஷவாயு கசிவால், 3 ஆயிரம் பேர் பலியாகினர். ஒரு லட்சத்திற்கும் அதிகமானோர் பல்வேறு உடல்நல பாதிப்புகளுக்கு ஆளாகினர். பாதிக்கப்பட்டவர்களுக்கு, 715 கோடி ரூபாய் இழப்பீட்டை, யூனியன் கார்பைட் நிறுவனம் வழங்கியது. இந்த நிலையில் பாதிக்கப்பட்டவர்கள் நீண்ட காலமாக, பல்வேறு உடல் உபாதைகளால் போராடி வருவதால், அவர்களது மருத்துவ செலவுக்கு, கூடுதலாக 7 ஆயிரத்து 844 கோடி ரூபாய் இழப்பீடு வழங்க, அமெரிக்க நிறுவனத்துக்கு உத்தரவிடுமாறு, உச்ச நீதிமன்றத்தில், மத்திய அரசு மனு தாக்கல் செய்தது. இந்த மனு, ஐந்து நீதிபதிகள் கொண்ட அமர்வு முன், இன்று விசாரணைக்கு வருகிறது.