இந்திய எல்லையில் தொடரும் சீன ஊடுருவல் : முன்னெச்சரிக்கை நடவடிக்கையாக தனது வெளிநாட்டு பயணத்தை இந்திய ராணுவ தலைமைத் தளபதி ஜெனரல் டல்பீர்சிங் ரத்து
Sep 23 2014 12:51PM
எழுத்தின் அளவு:
அ +
அ -
அ
இந்திய எல்லையில் சீன ஊடுருவல் தொடர்ந்து நடைபெற்று வருவதால், முன்னெச்சரிக்கை நடவடிக்கையாக தனது வெளிநாட்டு பயணத்தை இந்திய ராணுவ தலைமைத் தளபதி ஜெனரல் டல்பீர்சிங் ரத்து செய்துள்ளார். சீன ராணுவ ஊடுருவலை எதிர்கொண்டு, அதனை முறியடிப்பதற்கான யுக்திகள் குறித்து அவர் ஆலோசிக்கவுள்ளதாகவும் தகவல்கள் வெளியாகியுள்ளன.
இந்திய எல்லையில் சீன ராணுவம் தொடர்ந்து ஊடுருவலை நடத்தி வருகிறது. அந்நாட்டு அதிபர் இங்கு சுற்றுப்பயணம் மேற்கொண்டிருந்த நிலையிலும் இந்த ஊடுருவல் தொடர்ந்தது. மேலும், அருணாச்சலப் பிரதேசத்தை சர்ச்சைக்குரிய பகுதியாக சித்தரித்து சீனா மீண்டும் வரைபடத்தை வெளியிட்டு பிரச்னையை எழுப்பியுள்ளது. இந்த சூழலில், சீன ஊடுருவலை எதிர்கொண்டு அதனை முறியடிப்பதற்கான யுக்திகளை வகுக்க, ராணுவ தலைமைத் தளபதி ஜெனரல் டல்பீர்சிங் ஆலோசனை நடத்தவுள்ளதாக தகவல்கள் வெளியாகியுள்ளன. இதற்காக அவர் தனது 4 நாள் பூட்டான் பயணத்தை ரத்து செய்துள்ளதாகவும் கூறப்படுகிறது.